Миңнеханов Куренков белән коткаручылар өчен яңа комплекс төзү турында фикер алышты
ТР Рәисе Рөстәм Миңнеханов һәм РФ гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министры Александр Куренков коткаручылар өчен яңа укыту-күнегүләр комплексы төзү һәм аны кадрлар белән тәэмин итү турында фикер алышты. Бу хакта ТР Рәисенең матбугат хезмәте җитәкчесе Лилия Галимова хәбәр итә.
Объект «Комплекслы иминлек» халыкара салонына төзелә, аны Россия Гадәттән тыш хәлләр министрлыгы Татарстан белән берлектә сентябрь аенда Казанда үткәрәчәк. Яңа комплекс реаль шартларга мөмкин кадәр якынайтылган шартларда белгечләр әзерләү өчен каралган.
Бүгенге көндә инженерлык системаларын һәм челтәрләрен проектлау, шулай ук объектны бетонлау эше дәвам итә. Шулай ук күнегүләр үткәрү өчен мәйданчыклар әзерләнә.