Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов җылылык белән тәэмин итү челтәрләре торышына контрольне көчәйтергә кушты
Татарстанда яшәүчеләрнең тормыш эшчәнлеген тәэмин итү беренче мәсьәлә булып тора. Бу хакта Хөкүмәт Йортында киңәшмәдә Татарстан Президенты Рөстәм Миңнеханов белдерде.
Аның сүзләренчә, узган атнада төбәктә салкын булды, хәзер температура тотрыкланды, әмма республикада яшәүчеләрнең күбесе җылылык белән бәйле проблемаларга зарлануын дәвам итә.
«Социаль челтәрләрдә күпсанлы хәбәрләр һәм шикаятьләр теркәлгән. Аларның күп өлеше Казан, Чаллы зур муниципаль шәһәр округларыннан, Түбән Кама муниципалитетыннан килә. Әгерҗе шәһәрендә яшәүчеләр узган ел ахырыннан бирле җылылык һәм кайнар су белән тәэмин итүдә өзеклекләр булудан зарлана. Шулай итеп, 18 гыйнварда Азнакайда авария булды, нәтиҗәдә 20 меңнән артык кеше яши торган 186 күп фатирлы торак йортны, шулай ук 26 социаль объектны җылылык белән тәэмин итү өзелде», - диде Татарстан Президенты.
Ул билгеләп үткәнчә, аварияне оператив рәвештә бетерүгә карамастан, мондый хәлләргә юл куярга ярамый - җылылык челтәрләрендә тәртип тәэмин ителергә тиеш, котельныйларны күзәтергә кирәк.
«Администрация башлыкларына, Төзелеш, торак һәм коммуналь хуҗалык министрлыгына, җылылык энергиясе белән тәэмин итүчеләргә челтәрләрнең торышын контрольдә тотуны көчәйтергә кирәк. Аларны вакытында ремонтлауны һәм хезмәт күрсәтүне тәэмин итәргә, ягып җылыту сезоны чорында авария булмасын өчен барлык чараларны күрергә», - дип йөкләде Рөстәм Миңнеханов.
Кызыклы яңалыкларны күзәтеп бару өчен Телеграм-каналга язылыгыз