Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Миңнеханов үзенең социаль челтәрләренә язылучыларны Татарстан көненә чакырды
Татарстан Рәисе Рөстәм Миңнеханов үзенең язылучыларын Мәскәүдә «Россия» халыкара күргәзмә-форумында уза торган Татарстан көненә чакырды. Бу хакта ул Телеграм-каналында язган.
Республика казанышлары турында ВДНХның биш павильонында күбрәк белергә мөмкин. Биредә килүчеләрне төрле активлык көтә, алар Мәскәүдә яшәүчеләргә һәм кунакларга республика турында күбрәк белергә ярдәм итәчәк. Биредә Болгар, Зөя һәм Казан буйлап виртуаль экскурсия узарга, Казансу яры буйлап велосипедта йөрергә һәм милли аш-суларны татып карарга була.
«Бүген Мәскәүдә «Россия» форумында Татарстан көне. Кунаклар өчен без татар туен күрсәттек! Яшьләр бәхетле булсын!» — дип язган ул мәйданчыкта узган татар туе турында.
Самат Зиятдинов һәм Сөмбел Ибраһимов тамашачыларга татар халкының туй йолаларын күрсәтте.
«Россия» күргәзмә-форумы 4 ноябрьдә ВДНХ мәйданчыгында ачылды һәм 12 апрельгә кадәр дәвам итәчәк. Биредә Россиянең 89 төбәгенең, эре компанияләрнең, министрлыкларның һәм оешмаларның казанышларын күрсәтәчәкләр. Күргәзмәгә РФ Президенты Владимир Путин да килер дип көтелә.
Кызыклы яңалыкларны күзәтеп бару өчен Телеграм-каналга язылыгыз