Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Миңнеханов ятим балаларны торак белән тәэмин итү мәсьәләсен контрольдә тотарга кушты
ТР Рәисе Рөстәм Миңнеханов ятим балаларны торак белән тәэмин итү мәсьәләсен даими контрольдә тотарга кушты. Әлеге теманы Татарстан Республикасы Хөкүмәте йортында узган киңәшмәдә күтәрделәр.
Татарстан төзелеш, архитектура һәм торак-коммуналь хуҗалык министры Марат Айзатуллин сүзләренчә, ата-анасыз калган балаларны торак белән тәэмин итү өчен республикада 23 муниципаль берәмлектә 521 бина алу өчен 4 дәүләт контракты төзелгән.
Миңнеханов билгеләп үткәнчә, бу сорауны даими контрольдә тотарга кирәк.
Татарстан Төзелеш, архитектура һәм торак-коммуналь хуҗалык министрлыгы башлыгы хәбәр иткәнчә, 84 яшь гаиләнең 83е торакка субсидия акчасын файдаланган. Калган гаилә өчен торак базарында фатир сайлау дәвам итә, дип ышандырды Айзатуллин.
Шулай ук 5 һәм аннан күбрәк балалы 21 күпбалалы гаилә сертификаттан файдаланды. Сертификат алган башка гаиләләр буенча хәзерге вакытта Дәүләт торак фонды тарафыннан торак урыннары сайлау буенча эш алып барыла.
Элегрәк Миңнеханов республикада яшәү, хезмәт кую, гаилә кору һәм балалар үстерү уңайлы дип белдергән иде.
«Без традицион кыйммәтләребезне яклауда нык торабыз», — дип билгеләп үтте республика җитәкчесе Татарстан Дәүләт Советына еллык Юлламасында.
ТР Рәисе бу мирасны киләчәк буыннар өчен сакларга кирәклеген ассызыклады. Миңнеханов шулай ук ил җитәкчелегенең һәм шәхсән Россия Президенты Владимир Путинның ярдәменә игътибар юнәлтте.
Кызыклы яңалыкларны күзәтеп бару өчен Телеграм-каналга язылыгыз