Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов Хәтер һәм кайгы көнендә республика киңәшмәсен бер минут тынлык белән башлады
Бүген, Хәтер һәм кайгы көнендә, Татарстан Рәисе Рөстәм Миңнеханов республика киңәшмәсен бер минут тынлык белән башлады. Бу турыда Татарстан Рәисе матбугат хезмәте хәбәр итте.
«Бүген барлык шәһәрләрдә һәм районнарда истәлекле чаралар уза. Питрәч районының Әлбәдән авылында Советлар Союзы Герое, Брест ныгытмасын саклаучы Петр Гавриловның туган җирендә бүген-иртәгә «Әлбәдән-2024» VI бөтенроссия тарихи реконструкция фестивале узачак. Чара үзен иң колачлыларның берсе буларак танытты. Кунаклар һәм тамашачылар күп булачак - 14 меңгә кадәр кеше көтелә. Фестиваль тарихи хәтерне саклауга һәм патриотик тәрбиягә юнәлдерелгән», - диде ТР Рәисе.
Ул барлык чараларны, югары дәрәҗәдә оештырып, иминлек мәсьәләләренә аерым игътибар биреп, уздырырга кушты, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз