Миңнеханов Үзбәкстанның Бохара өлкәсе хакименә хезмәттәшлек өчен рәхмәт белдерде
Татарстан Рәисе Рөстәм Миңнеханов Үзбәкстанның Бохара өлкәсе хакиме Ботир Зарипов белән очрашудан соң әңгәмә турында үзенең Telegram-каналында сөйләде һәм Үзбәкстан түрәсенә актив хезмәттәшлек өчен рәхмәт белдерде.
«Казанда Үзбәкстанның Бохара өлкәсеннән дусларыбызны каршы алабыз. Соңгы елларда төрле төбәкләр белән актив хезмәттәшлек итәбез. Нәтиҗә буларак, товар әйләнеше актив үсә. Узган ел нәтиҗәләре буенча – 27 процентка», - диде ТР Рәисе.
«Россия һәм Үзбәкстан Президентлары ярдәме белән безнең уртак предприятиеләр ачу мөмкинлегебез бар. Бохара өлкәсе хакименә актив эшчәнлеге өчен рәхмәт!» — дип өстәде Рөстәм Миңнеханов.
Очрашу кысаларында Татарстан һәм Бохара өлкәсе сәүдә-сәнәгать палаталары хезмәттәшлек турында килешү, ә Татарстан Республикасының туризм буенча дәүләт комитеты һәм Бохара өлкәсенең туризм идарәсе туризм өлкәсендә хезмәттәшлек итү ниятләре турында меморандум имзалады.