Миңнеханов Үзбәкстанга визиты барышында Нәвоидагы сәнәгать паркында булды
Татарстан Рәисе Рөстәм Миңнеханов Үзбәкстанга эш сәфәре барышында Нәвоига килде һәм «Навои» ирекле икътисади зонасы территориясендәге индустриаль парк мәйданчыкларын карады. Бу хакта ТР Рәисе матбугат хезмәте җитәкчесе Лилия Галимова хәбәр итте.
Аерым алганда, Рөстәм Миңнеханов «Арнест Юнигрупп Навои»ООО производствосында булды. Компания косметика һәм көнкүреш химиясе чыгарачак, проект Татарстан Республикасы ярдәме белән гамәлгә ашырылды.
ТР Рәисе предприятие коллективы белән аралашты (хәзерге вакытта ул 115 кешедән тора) һәм компания хезмәткәрләренә уңышлар теләде.
Махсус икътисади зона территориясендә салым, валюта һәм таможня режимнары, керү һәм чыгуның гадиләштерелгән тәртибе, шулай ук хезмәт юлын гамәлгә ашыруга рөхсәт алуны кертеп, махсус хокукый режим гамәлдә.