Миңнеханов «Уяв» республика чуваш мәдәнияте бәйрәмендә булды
Татарстанның Чирмешән районы үзәгендә чуваш мәдәниятенең «Уяв» республика бәйрәме уза. Чараның кунагы ТР Рәисе Рөстәм Миңнеханов булды.
Бәйрәмнең мәртәбәле кунакларын Чирмешән районының төп этнослары милли киемнәрен кигән (чуваш, татар, рус, мордва) кызлар каршы алды.
Фото: © Җәмил Сәлимгәрәев / «Татар-информ»
«Уяв» программасында – «Ташла Чавашла» ачык хореография сәнгате фестиваль-конкурсы, «Уяв Пики» матурлык һәм зирәклек конкурсы, «Юрла Чавашла» җыр фестивале, квас фестивале, халык шагыйре Порфирий Афанасьев исемендәге шигъри сәхнә, халык уеннары һәм мастер-класслары булган балалар интерактив зонасы, сыерчык оялары конкурсы, гастрономия мәйданчыгында чуваш ашлары дегустациясе, һөнәрчеләр ярминкәсе, шулай ук чуваш эстрадасы йолдызларының гала-концерты.