Миңнеханов Турчинны Беларусь Премьер-министры итеп билгеләнүе белән котлады
Татарстан Рәисе Рөстәм Миңнеханов Александр Турчинны Беларусь Республикасы Премьер-министры итеп билгеләнүе белән котлады. Бу хакта ТР Рәисе матбугат хезмәте җитәкчесе Лилия Галимова хәбәр итте.
«Хөрмәтле Александр Генрихович! Беларусь Республикасы Премьер-министры итеп билгеләнүегез уңаеннан чын күңелдән котлауларны кабул итүегезне сорыйм. Чын күңелдән сезгә бу вазифада туган илебез иминлеге өчен актив һәм нәтиҗәле эшчәнлек, ныклы сәламәтлек, бетмәс-төкәнмәс көч запасы, иминлек һәм күпкырлы эшегездә яңа уңышлар телим», - диде Рөстәм Миңнеханов.
«Сезнең ярдәм белән Татарстан белән Беларусь арасындагы гадәттәгечә ныклы багланышлар киләчәктә дә уңышлы үсәчәк, Татарстан-Беларусь хезмәттәшлеген киңәйтүгә, Россия белән Беларусь арасындагы мөнәсәбәтләрне ныгытуга ярдәм итәчәк», – дип өстәде ТР Рәисе.
Кичә Беларусь Республикасы Президенты Александр Лукашенко Александр Турчинны Хөкүмәт башлыгы итеп билгеләде. Моңа кадәр ул Минск өлкә башкарма комитеты рәисе булган. 2020 елдан Министрлар Кабинетын җитәкләгән Роман Головченко отставкага китте.