Миңнеханов: Татарстанның Мактау тактасында 15 мең хезмәткәр турында мәгълүмат урын алачак
Скопировать ссылку
Татарстанда республиканың Мактау тактасы булдырылды, анда төбәкнең иң яхшы хезмәткәрләре турында мәгълүмат урын алачак. Бу хакта Татарстан Рәисе Рөстәм Миңнеханов МАКСтагы каналында хәбәр итте.
Мактау тактасын булдыруда республиканың 5 меңгә якын зур һәм кече предприятиесе катнашкан. Алар 15 мең хезмәткәрне бүләкләргә тәкъдим итте.
«Кандидатлар арасында атказанган ветераннар, тәҗрибәле белгечләр һәм махсус хәрби операция геройлары», – дип искәртте Миңнеханов.
Лауреатлар турындагы мәгълүмат цифрлы платформада урнаштырылачак.
Фото: https://max.ru/rustamminnikhanov