Миңнеханов Татарстанның Башкортстандагы вәкиле Якуповның вәкаләтләрен өч елга озайтты
Скопировать ссылку
Йосыф Якупов тагын өч ел Татарстанның Башкортстандагы даими вәкиле вазифасында калачак. Бүген республика Рәисе Рөстәм Миңнеханов шул хактагы указны имзалады.
«Якупов Йосыф Диганшеевичны өч елга Татарстан Республикасының Башкортстан Республикасындагы даими вәкиле итеп билгеләргә», - диелә документта.
Искәртеп узабыз, Якупов әлеге вазифаны 2020 елдан бирле били. Аңа кадәр ул Идел буе дәүләт физкультура, спорт һәм туризм академиясе ректоры вазифаларын башкаручы, соңыннан аның ректоры, яшьләр эшләре, спорт һәм туризм министры урынбасары, ТР Дәүләт Советы депутаты булды.