Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов Татарстанда өч кешегә республиканың атказанган машина төзүчесе исемен бирде
Татарстанда яшәүче өч кешегә республиканың атказанган машина төзүчесе исеме бирелде. Бу карарны Татарстан Рәисе Рөстәм Миңнеханов имзалады.
Мактаулы исемгә «КАМАЗ» ГАҖ пресс-рама заводы директорының җитештерү буенча урынбасары Владимир Ломаев, «Ремдизель» АҖ двигательләрне һәм агрегатларны капиталь ремонтлау цехының механик җыю эшләре слесаре Илгиз Мирзаянов, «КАМАЗ» ГАҖ двигательләр заводының автомат линияләрен һәм агрегат станокларын көйләүче Вячеслав Чухно лаек булды.
Алар «илебездә машина төзелешен үстерүгә керткән өлеше һәм нәтиҗәле хезмәте өчен» бүләкләнде, диелә документта.
Моннан тыш Миңнеханов башка карар белән «Олеокам» ҖЧҖ генераль директоры Сергей Горшковка «Татарстан Республикасының атказанган химигы» исемен бирде.
«Татарстан Республикасының атказанган машина төзүчесе» мактаулы исеме машина төзелеше предприятиеләренең эшчеләренә, инженер-техник һәм фәнни хезмәткәрләренә җитештерү бурычларын үтәү, яңа техника ясау һәм гамәлгә кертүдәге казанышлары өчен бирелә. Хезмәткәр мактаулы исемгә лаек булу өчен машина төзелеше өлкәсендә кимендә ун ел эшләргә тиеш.
Кызыклы яңалыкларны күзәтеп бару өчен Телеграм-каналга язылыгыз