Рөстәм Миңнеханов Татарстанда җитештерелгән вертолетларны һәм «метеорлар»ны бәяләде
Татарстанда беренче ун Ми-8МТВ-1 вертолеты эксплуатацияләүче оешмаларга тапшырылды. Моннан тыш, ике яңа «Метеор» тибындагы су асты канатларындагы тизйөрешле пассажир судносы республикада эшләргә калачак. Бу хакта Татарстан Рәисе Рөстәм Миңнеханов рәсми Телеграм-каналында хәбәр итте.
«Илебез төбәкләрен котлыйм! Бүген беренче ун Ми-8МТВ-1 вертолетын тапшыруда катнаштык. Шулай ук ике тизйөрешле пассажир «Метеор»ын тапшырдык — алар бездә, Татарстанда калачак! Казан вертолет заводына һәм Горький исемендәге заводка рәхмәт белдерәм!» - дип билгеләп үтте Миңнеханов.
Фото: © Татарстан Рәисе Рөстәм Миңнехановның Телеграм-каналы
Ул шулай ук предприятиеләргә рәхмәт белдерде һәм аларның Россия сәнәгатенә керткән өлешен ассызыклады: «Уңышлар сезгә! Сез чыннан да конкурентлыкка сәләтле һәм илебез өчен кирәкле машиналар җитештерәсез».