Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Миңнеханов Татарстан Рәисе кадрлар резервы әгъзаларының инициативаларын хуплады
Татарстан Хөкүмәте йортында Татарстан Республикасы Рәисе кадрлар резервы әгъзалары проектларын яклады. Резервчылар төбәкнең социаль-икътисади үсешенә юнәлтелгән инициативаларын республика җитәкчесе Рөстәм Миңнехановка тәкъдим итте, дип хәбәр итә республика җитәкчесенең матбугат хезмәте.
Чарада шулай ук Татарстан Премьер-министры Алексей Песошин, Дәүләт Советы Рәисе вазифаларын башкаручы Марат Әхмәтов, резервчыларның остазлары һәм республика хакимият органнары җитәкчеләре катнашты.
Программада катнашучылар төрле өлкәләргә караган проектларын тәкъдим итте. Инициативаларның күбесе технологик суверенлыкны ныгытуга, сәнәгатьне роботлаштыруны үстерүгә, төш магнит резонансы технологияләрен кертүгә һәм шәһәрләрнең энергия нәтиҗәлелеген арттыруга багышланды. Моннан тыш, резервчылар социаль инфраструктураны үстерү, махсус хәрби операциядә катнашучыларга ярдәм итү, кадрлар потенциалын арттыру һәм тарихи-мәдәни мирасны саклау турында проектлар тәкъдим итте.
Тәкъдим ителгән проектлар Татарстан Рәисенең уңай бәясенә лаек булды. Рөстәм Миңнеханов аларны алга таба тормышка ашыруда ярдәм күрсәтергә кушты.
«Сез бик зур эш башкардыгыз. Проектларның күбесен пилот проектлар буларак кулланачакбыз. Алар безнең барлык муниципаль берәмлекләрдә дә кулланыла ала», — диде Рөстәм Миңнеханов, резервчыларга мөрәҗәгать итеп.
Кызыклы яңалыкларны күзәтеп бару өчен Телеграм-каналга язылыгыз