Миңнеханов: Таҗикстан белән товар әйләнеше ике тапкырга артты
Скопировать ссылку
Татарстан Рәисе Рөстәм Миңнеханов Таҗикстан Республикасы Президенты Эмомали Рахмон белән очрашу уздырды. Очрашуның нәтиҗәләре турында Миңнеханов Телеграм-каналында хәбәр итте.
Алар хезмәттәшлек перспективалары һәм уртак проектлар турында фикер алышты. Шулай ук Миңнеханов республикалар арасында товар әйләнеше сизелерлек артуын билгеләп үтте – узган ел нәтиҗәләре буенча ул ике мәртәбә арткан һәм 77 миллион долларга җиткән.
Бүген Согдия өлкәсендә Татарстан һәм Таҗикстан арасындагы хезмәттәшлекне алга таба үстерүгә багышланган түгәрәк өстәл уза.