Миңнеханов Собянинга Татарстан мәдәнияте көннәре, Хөснуллинга М12 өчен рәхмәт белдерде
Скопировать ссылку
ТР Рәисе Рөстәм Миңнеханов ил башкаласында Татарстан мәдәнияте көннәре кысаларында Мәскәү Халыкара музыка йортында узган тантаналы кичәдән соң Мәскәү мэры Сергей Собянинга вакыйганы оештырган өчен, ә РФ вице-премьеры Марат Хөснуллинга М12 «Көнчыгыш» трассасын төзегән өчен рәхмәт белдерде.
«Чираттагы тапкыр башкалада Татарстан Республикасы мәдәнияте көннәрен үткәрдек. Сергей Семеновичка рәхмәт, Мәскәү безнең республиканың тугры һәм ышанычлы партнеры», - дип ассызыклады Миңнеханов үзенең телеграм-каналында.
«Марат Шакирҗан улына аерым рәхмәт сүзләре. Ул һәрвакыт безнең белән. Һәм Казан белән Мәскәүне якынайтты — М12 юлын төзеп», – дип өстәде Татарстан Рәисе.
