Рөстәм Миңнеханов «Рубин»га узган сезон өчен рәхмәт белдерде
Скопировать ссылку
Татарстан Рәисе Рөстәм Миңнеханов Россия премьер-лигасының 2025-2026 елгы сезоны башланыр алдыннан Казанның «Рубин» футбол клубы уенчылары һәм тренерлары белән очрашты. Очрашудан видеоны ТР Рәисе матбугат хезмәте җитәкчесе Лилия Галимова Telegram-каналында урнаштырган.
«Беренчедән, командага, тренерлар составына узган сезон өчен рәхмәт белдерәсем килә. Бу җиңел сезон булмады, әмма безнең команда лаеклы чыгыш ясады», – дип ассызыклый Миңнеханов видеода сөйләшү башында.