Рәсми Татарстан 10 декабрь 2022 13:44

Миңнеханов Россиянең яшьләр башкаласы исеменә бәйге финалисты-шәһәргә сәлам тапшырды

Скопировать ссылку

Татарстан Президенты Рөстәм Миңнеханов Россиянең яшьләр башкаласы исеменә конкурс финалына чыккан Түбән Новгород шәһәренә юлламаны социаль челтәргә куйды.

«Ислам хезмәттәшлеге оешмасының яшьләр башкаласы - Казаннан, Россиянең яшьләр башкаласы исеменә конкурс финалына чыккан Түбән Новгородка сәлам тапшырабыз! Уңышлар, күршеләр!» - дип язган республика җитәкчесе Телеграм-каналында, Россия флагы төшерелгән эмодзи куеп.

Элегрәк билгеле булганча, Яшьләр эшләре буенча федераль агентлык «Россиянең яшьләр башкаласы» бәйгесенең белгечләр бәяләве этабына нәтиҗә ясады һәм кандидатларның якынча исемлеген төзеде. Жюри эше нәтиҗәләре буенча 7 шәһәр - Владивосток, Калининград, Красноярск, Түбән Новгород, Яңа Уренгой, Мурманск һәм Тула финалист булган.

Искәртик, узган ел Казанга Ислам хезмәттәшлеге оешмасының Яшьләр башкаласы - 2022 статусы бирелде. Мондый карар оешманың яшьләр форумы идарәсе утырышында кабул ителде. Төрле елларда Истанбул (Төркия), Шираз (Иран), Путраджая (Малайзия), Фес (Марокко), Доха (Катар) һәм башка шәһәрләр югары статус алган.

Сәхифәләр

Миңнеханов Россиянең яшьләр башкаласы исеменә бәйге финалисты-шәһәргә сәлам тапшырды