Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов Россия Фәннәр академиясе вәкилләре белән экологик иминлек турында сөйләште
Пәнҗешәмбе, 21 апрельдә, Татарстан Президенты Рөстәм Миңнеханов Түбән Камада Россия Фәннәр академиясе вәкилләре белән очрашты. Ул галимнәр белән Түбән Кама сәнәгать үзәге үсешендә экологик киминлек мәсьәләләре турында фикер алышты.
«Татарстан - сәнәгать ягыннан алга киткән төбәк. Без үзебезнең производстволарны җитди арттырырга ниятлибез. Бу, үз чиратында, экологик иминлекне тәэмин итү буенча системалы чаралар таләп итә. Без бу юнәлештә күп нәрсә эшлибез. Фәнни бергәлек белән хезмәттәшлек бу эшнең нәтиҗәлелеген күтәрергә ярдәм итәчәк», диде Миңнеханов. Бу турыда ТР Президентының матбугат хезмәте хәбәр итә.
Уртак киңәшмә алдыннан республика җитәкчесе Россия Фәннәр академиясенең глобаль экология проблемалары буенча Гыйльми советы рәисе Степан Калмыков һәм академиянең Казан фәнни үзәгенең «Химия» юнәлеше фәнни җитәкчесе Олег Синяшин белән аралашты.
Бүген Россиянең әйдәп баручы галимнәре Түбән Кама районының эре предприятиеләрендә булды һәм табигатьне саклау чараларын гамәлгә ашыру тәҗрибәсе белән танышты.
Кызыклы яңалыкларны күзәтеп бару өчен Телеграм-каналга язылыгыз