Миңнеханов Россия-Азия Сәнәгатьчеләр һәм эшкуарлар берлеге вице-президенты белән очрашты
Татарстан Рәисе Рөстәм Миңнеханов Россия-Азия Сәнәгатьчеләр һәм эшкуарлар берлеге вице-президенты, әлеге берлекнең Гуанчжоудагы вәкиллеге башлыгы Алексей Федотов белән очрашты.
Республика җитәкчесе Россия белән Кытай арасындагы мөнәсәбәтләрне ныгыту өчен берлек белән эшләүнең мөһимлеген билгеләп үтте - берләшмә Кытай һәм Россия бизнесын бәйләүче үзенчәлекле күпер булып тора, икътисади кооперациягә ярдәм итә.
Фото: © ТР Рәисе матбугат хезмәте
«Татарстан Кытай инвесторлары килүгә шат. Бездә аларның уңайлы эшчәнлеге өчен барлык шартлар да тудырылган», - диде ул.
ТР матбугат хезмәте җитәкчесе Лилия Галимова хәбәр иткәнчә, Миңнеханов Федотовны 2024 елның көзендә узачак «РОСТКИ: Россия - Кытай» Халыкара форумында катнашырга чакырган.