Рәсми Татарстан 23 март 2023 10:56

Миңнеханов прокуратура органнары ветеранын «ТАССРның 100 еллыгы» медале белән бүләкләде

Скопировать ссылку

Татарстан Рәисе Рөстәм Миңнеханов ТР прокуратура органнары ветераны Газинур Галимовны «Татар Автономияле Совет Социалистик Республикасы оешуның 100 еллыгы» медале белән бүләкләде. Шул хактагы указ республика җитәкчесе порталында урнаштырылган.

Ветеран бу бүләккә «җәмәгать иминлеген тәэмин итү, законлылык һәм хокук тәртибен ныгытудагы казанышлары өчен» лаек булды, диелә документта.

Миңнеханов башка указ белән Түбән Кама районының Шәңгәлче авыл җирлеге башлыгы Рамил Сәлимовны «Татарстан Республикасында җирле үзидарәне үстерүдәге казанышлары өчен» медале белән бүләкләде. Ул әлеге бүләккә «күпьеллык нәтиҗәле хезмәте, җирле үзидарә органнары эшчәнлегенең нәтиҗәлелеген арттыруга лаеклы өлеш керткәне өчен» лаек булды.

Сәхифәләр

Миңнеханов прокуратура органнары ветеранын «ТАССРның 100 еллыгы» медале белән бүләкләде