Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Миңнеханов: Пилотсыз очкыч Татарстанда торак йортка эләккән, халык эвакуацияләнгән
Бүген иртән Татарстанның Кама аръягы төбәгенә дошман БПЛАлары һөҗүм ясады. Бу хакта социаль челтәрләрдәге битләрендә Татарстан Республикасы Рәисе Рөстәм Миңнеханов хәбәр итте.
Төбәк җитәкчесе кушуы буенча урынга республика Премьер-министры Алексей Песошин чыкты.
Рөстәм Миңнеханов сүзләренчә, БПЛАларның берсе торак йортка эләккән, халык эвакуацияләнгән. «Хәзер якындагы лагерь базасында вакытлыча урнаштыру пункты әзерләнә. Өч зыян күрүчегә кирәкле медицина ярдәме күрсәтелә», - дип өстәде ул.
ТР Рәисе кушуы буенча район җитәкчелеге эвакуацияләнгән кешеләр өчен кирәкле эшләрне башкара (болар – кайнар ризык, су, медицина ярдәме).
Хәзерге вакытта, Россия Гадәттән тыш хәлләр министрлыгының ТР буенча Баш идарәсе мәгълүматларына караганда, БПЛА һөҗүме куркынычы Татарстанның алты шәһәрендә: Зәй, Алабуга, Түбән Кама, Яр Чаллы, Әлмәт һәм Бөгелмәдә гамәлдән чыгарылган.
Кызыклы яңалыкларны күзәтеп бару өчен Телеграм-каналга язылыгыз