Миңнеханов Нурлат районында урып-җыю барышын бәяләде
Скопировать ссылку
Татарстан Рәисе Рөстәм Миңнеханов Нурлат районында урып-җыю кампаниясенең барышы белән танышты. Ул шулай ук җирле җитештерүчеләр продукциясе күргәзмәсен карады һәм район активы, хуҗалыклар җитәкчеләре, инвесторлар һәм җирлек башлыклары белән очрашты. Бу хакта ТР Рәисе матбугат хезмәте җитәкчесе Лилия Галимова хәбәр итте.
Нурлат районы башлыгы Дамир Ишкинеев хәбәр иткәнчә, урып-җыю эш темпында бара. Шулай ук муниципалитетта үзара салым буенча да эш җайга салынган.
Ул Рөстәм Миңнехановка муниципалитетларга игътибары һәм аларның эше өчен шартлар тудыруы өчен рәхмәт белдерде.
Фото: © ТР Рәисе матбугат хезмәте