Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов һәм Виталий Мутко торак төзелешен финанслау турында фикер алышты
Татарстан Президенты Рөстәм Миңнеханов Мәскәүгә эш сәфәре барышында «ДОМ.РФ» Торак өлкәсендә үсеш институты генераль директоры Виталий Мутко белән уртак проектларны гамәлгә ашыру һәм торак төзелеше өлкәсендә дәүләт сәясәтенең актуаль темалары турында фикер алышты. Бу хакта республика җитәкчесенең матбугат хезмәте хәбәр итә.
Әңгәмә тәмамланганнан соң Рөстәм Миңнеханов Виталий Муткога төбәккә карата игътибары өчен рәхмәт белдерде. «Без үз проектларыбызның торышы һәм аларны тормышка ашыру барышы турында җентекләп сөйләштек. Безнең төзүчеләр «ДОМ.РФ» программалары кысаларында бик актив эшли, һәм төзелешнең яртысы диярлек бүген «ДОМ.РФ» бирә торган инструментлар хисабына финанслана», – дип билгеләп үтте ул.
Шул ук вакытта Татарстан Президенты төзелешне финанслауның кызыксыну уята торган ысулларына аерым тукталды. «Ләкин яңа мөмкинлекләр бар. Бу – яңа торак комплексларының мөмкинлекләрен киңәйтү. Концессия акчаларын һәм инвестиция кредитларын җәлеп итәргә мөмкин. Без бу мәсьәләләр турында да фикер алыштык, нәтиҗәләр буенча эшче төркем булдырдык. Минемчә, торак төзелеше, төбәкнең теге яки бу бурычларын хәл итү өчен бу җитди ярдәм булачак», – дип аңлатты республика җитәкчесе.
Рөстәм Миңнеханов Виталий Муткога Татарстан Республикасы дәүләт бүләген – «ТАССР төзелүгә 100 ел» медален тапшырды.
Очрашуда шулай ук Татарстан Республикасы Премьер-министрының беренче урынбасары Рөстәм Нигъмәтуллин, республиканың төзелеш, архитектура һәм торак-коммуналь хуҗалык министры Марат Айзатуллин һәм башка рәсми затлар катнашты.
Кызыклы яңалыкларны күзәтеп бару өчен Телеграм-каналга язылыгыз