Миңнеханов Министрлар Кабинетында киңәшмәне бер минут тынлык белән башлады
Скопировать ссылку
Татарстан Рәисе Рөстәм Миңнеханов Министрлар Кабинетында республика киңәшмәсен Мәскәү янындагы «Крокус Сити Холл»да теракт вакытында һәлак булганнар истәлегенә бер минут тынлык белән башлады. Бу хакта Рәиснең матбугат хезмәте җитәкчесе Лилия Галимова хәбәр итә.
Миңнеханов хокук саклау органнары җитәкчеләре белән узган киңәшмә турында хәбәр итте.
«Массакүләм чаралар үткәргәндә, куркынычсызлык чараларын көчәйтергә кирәк дип саныйбыз, шул исәптән сәүдә-күңел ачу үзәкләрендә, транспорт, коммуникацияләр һәм элемтә объектларында, энергетикада, тормыш өчен куркыныч тудырган предприятиеләрдә», - дип билгеләп үтте Рөстәм Миңнеханов.