Миңнеханов Лисичанск һәм Рубежное балаларының теләген үтәүчеләргә рәхмәт белдерде
Татарстан Рәисе Рөстәм Миңнеханов шефлыкка алынган Лисичанск һәм Рубежное шәһәрләрендә яшәүче балалар өчен «Теләкләр чыршысы» бөтенроссия акциясе кысаларында Яңа ел күчтәнәчләре җибәргән татарстанлыларга рәхмәт белдерде.
«Балаларның теләкләрен Дәүләт Думасында Татарстаннан депутатлар һәм республика шәһәр округлары һәм муниципаль район башлыклары үтәде. Аларга хәйрия акциясендә актив катнашкан өчен рәхмәт!» - дип язган телеграм-каналында республика җитәкчесе.
Ул шулай ук Лисичанскидагы 9 яшьлек Егорга «Теләкләр чыршысы» хәйрия акциясе кысаларында үзенең бүләген җибәргәнен дә билгеләп үтте.
«Яңа ел – хыяллар чынга ашу вакыты, могҗизалар күбрәк булсын!» – диде Рөстәм Миңнеханов.
Искәртик, Татарстан Рәисе 27 декабрьдә Россия Дәүләт Советы утырышы алдыннан «Теләкләр чыршысы» бөтенроссия хәйрия акциясенә кушылды.