Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Кытай полигонында уздырылган «Москвич» краш-тесты видеосын күрсәтте
Бүген Татарстан Рәисе Рөстәм Миңнеханов Кытайда JAC заводында булды. Сынау полигонында Россиядә җитештерелгән «Москвич» автомобиленә краш-тест уздырдылар. Республика җитәкчесе әлеге видеокадрларны Телеграм каналында күрсәтте.
«Нәтиҗәләргә карасак, иминлек системасы бик яхшы эшләде», – дип язган Рөстәм Миңнеханов.
JAC Motors – Кытайдагы автомобиль төзелеше компаниясе, анда җиңел машиналар, йөк автомобильләре һәм автобуслар җитештерелә. Штаб-квартирасы һәм төп оешмалары Аньхой провинциясенең Хэфэй шәһәрендә урнашкан. JAC автомобильләре «Москвич» заводының булачак модельләрен җитештерү линейкасы өчен үрнәк булырга мөмкин дип хәбәр иткәннәр иде.
Искәртеп үтик, узган елда Мәскәү мэры Сергей Собянин хезмәт коллективын саклап калу өчен «Москвич» заводында автомобильләр җитештерүне яңадан башларга карар кылган иде. Июль аенда «КАМАЗ» җәмгыяте һәм Россия башкаласы Хөкүмәте хезмәттәшлек турында килешү имзалады. Узган елның декабрендә «Ростех» дәүләт корпорациясе генераль директоры Сергей Чемезов һәм Татарстан Республикасы Рәисе Рөстәм Миңнеханов Чаллыда яңа «Москвич» машинасында йөреп карады.
Кызыклы яңалыкларны күзәтеп бару өчен Телеграм-каналга язылыгыз