Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ТР Конституция судының отставкадагы судьяларына түләүләр тәртибе расланды
Татарстанда ТР Конституция судының отставкадагы судьяларына гарантияләр бирү тәртибе расланды. Конституция суды аларга гомерлек айлык һәм башка түләүләрне 31 декабрьгә кадәр түләячәк. Алга таба бу функцияләрне ТР Хезмәт, эш белән тәэмин итү һәм социаль яклау министрлыгына тапшырачак. Бу хакта ТР Президенты Рөстәм Миңнеханов указында күрсәтелгән.
ТР Конституция суды Хезмәт министрлыгына айлык түләүләр өчен кирәкле барлык документларны 31 декабрьдән дә соңга калмыйча тапшырырга тиеш. Министрлар Кабинетына барлык чыгымнарны финанслауны тәэмин итү йөкләнде.
Указ бастырылганнан соң 10 көннән үз көченә керә.
Исегезгә төшерәбез, Татарстан Конституция суды быелның 31 декабрендә бетереләчәк, ә судьяларның вәкаләтләре 30 декабрьдә туктатыла – тиешле закон проектын ТР Дәүләт Советы депутатлары раслады. Конституция суды судьяларының вәкаләтләре туктатылганнан соң, алар отставкага киткән дип санала. Судьялар өчен барлык гарантияләр, шул исәптән матди һәм социаль гарантияләр саклана.
Кызыклы яңалыкларны күзәтеп бару өчен Телеграм-каналга язылыгыз