Рәсми Татарстан 19 апрель 2024 12:55

Миңнеханов Казанда авиатөзелештә һөнәри осталык буенча иң зур чемпионат анонсын күрсәтте

Скопировать ссылку

22 апрельдән 26 апрельгә кадәр Казан авиатөзелештә һөнәри осталык буенча Россиядә иң зур чемпионатны кабул итә. Бу вакыйга турында Татарстан Рәисе Рөстәм Миңнеханов телеграм-каналында язды.

Татарстан башкаласында Казан авиазаводларында эшләүчеләр, шулай ук Комсомольск-Амур, Новосибирск, Түбән Новгород, Ульяновск, Воронеж, Таганрог һәм Мәскәү өлкәсе белгечләре үзләренең осталыгын, күрсәтәчәк. Бу илгә кирәкле, ихтыяҗ булган белгечләр, диде Миңнеханов.

«Оештыручыларга инженер һәм эшче һөнәрен популярлаштырган өчен рәхмәт. Катнашучыларга уңышлар телим! Бу егет һәм кызлар күкләрдә очу хыялларын нык канатларга куя, илебездәге авиатөзелеш сәнәгатен алга җибәрә», диелгән хәбәрдә.

Шулай ук республика җитәкчесе булачак вакыйганың видеоанонсы – «трейлер»ны социаль челтәрдәге сәхифәсенә куйды. Анда 10нчы юбилей ярышлары 9 компетенциядә узачагы әйтелә. Чемпионатта 120 белгеч, 120 эксперт катнаша.

Видео: https://t.me/rustamminnikhanov/1761

Сәхифәләр

Миңнеханов Казанда авиатөзелештә һөнәри осталык буенча иң зур чемпионат анонсын күрсәтте