Миңнеханов «КАМАЗ»ның яңа спорт машиналарын сынаган вакытта төшерелгән фотоларны күрсәтте

Татарстан Президенты Рөстәм Миңнеханов үзенең телеграм-каналында «КАМАЗ-мастер» командасы спортчылары һәм җитәкчелеге белән очрашуда төшерелгән фотолар белән уртаклашты. Ул шулай ук Чаллы полигонында яңартылган спорт машиналарын сынаган вакытта төшерелгән фотоларны да күрсәтте.

«Сикереп карадым!» - дип язган республика Президенты фото астына. Әлеге фотода спорт машиналары түмгәктән сикереп үтә. ТР Президентының 1996 һәм 2022 еллардагы чыгарылыш командасы йөк машиналарында йөреп каравы хакында элегрәк хәбәр ителгән иде.