Миңнеханов кадрлар дефициты турында: Һәр урында квалификацияле белгечләр кирәк
Татарстан, башка илләр кебек үк, инженер һәм эшче белгечләр дефициты проблемасы белән очрашты. Бу хакта Татарстан Республикасы Рәисе Рөстәм Миңнеханов алдынгы инженерлык мәктәпләре җитәкчеләре белән узган семинар-киңәшмәдә әйтте.
Ул искәрткәнчә, 2023 ел нәтиҗәләре буенча республикада сәнәгать җитештерүе күләме якынча 4 трлн 700 млрд сум тәшкил иткән — бу нефть чыгару һәм нефть химиясе тармаклары, машина төзелеше кластеры һ. б.
«Һәм һәр урында инженер кадрлары кирәк! Квалификацияле белгечләр кирәк», - дип искәртте республика җитәкчесе.
Семинар-киңәшмә «Югары нефть мәктәбе» фәнни-белем бирү үзәге мәйданчыгында уза, модератор булып Россия Федерациясе фән һәм югары белем министры Валерий Фальков чыгыш ясады, дип хәбәр итә ТР Рәисе матбугат хезмәте.