Миңнеханов Ислам хезмәттәшлеге оешмасы XV саммитын ачу тантанасында катнашты
Татарстан Рәисе Рөстәм Миңнеханов Ислам хезмәттәшлеге оешмасы әгъзалары булган илләрнең дәүләт һәм хөкүмәт башлыклары XV юбилей саммитын ачу тантанасында катнашты.
«ТР Рәисе, «Россия – Ислам дөньясы» стратегик күзаллау төркеме рәисе ил җитәкчелеге кушуы буенча саммитта Россия Федерациясе делегациясен җитәкли. Россия – Ислам хезмәттәшлеге оешмасында күзәтүче ил», – дип сөйләде ТР Рәисе матбугат хезмәте җитәкчесе Лилия Галимова.
Фото: © ТР Рәисе матбугат хезмәте
Ислам хезмәттәшлеге оешмасы дүрт континенттагы 57 дәүләтне берләштерә. Ул зурлыгы буенча Берләшкән Милләтләр Оешмасыннан соң икенче хөкүмәтара оешма булып тора. 2008 елда илебез җитәкчелеге берләшмә каршында РФ даими вәкиллеген булдыру турында карар кабул итте.
Фото: © ТР Рәисе матбугат хезмәте
Татарстан берләшмәнең төрле институтлары һәм ведомство карамагындагы оешмалары белән актив эшли.