Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов йогышлы авырулар таралуы турында кисәтте һәм фильтрлар эшен көчәйтергә чакырды
Татарстанда йогышлы авыруларның таралуы күзәтелә: бер атнада коронавирус йоктыручылар 14 процентка, сулыш юлларында вируслы кискен инфекция (ОРВИ) һәм грипп белән авыручылар 25 процентка арткан. Бу хакта Татарстан Хөкүмәте Йортында узган киңәшмәдә республика Президенты Рөстәм Миңнеханов әйтте һәм профилактик чараларны көчәйтергә өндәде. Республика җитәкчесенең матбугат хезмәте шул хакта хәбәр итә.
Узган атнада Татарстанда грипп белән авыруның 51 очрагы теркәлгән. «Сәламәтлек саклау министрлыгына медицина оешмаларының авыру кешеләрне кабул итүгә, диагностикалауга һәм дәваларга әзерлеген тәэмин итәргә, вакцинацияне дәвам итәргә кирәк», - диде Рөстәм Миңнеханов.
Ул вируслы инфекцияләрне профилактикалауның иң нәтиҗәле чараларының берсе - бинага кергәндә фильтр аша узу, дип билгеләп үтте.
«Фильтрлар мәктәпләрдә, югары уку йортларында, предприятиеләрдә булырга тиеш. Ковид әлеге чараның никадәр нәтиҗәле булуын күрсәтте», - диде ТР Президенты.
Шулай ук ул хезмәт коллективларында санитар-эпидемиологик таләпләрне - санитар эшкәртү, җилләтү, термометрия һәм башкаларны сакларга өндәде.
Кызыклы яңалыкларны күзәтеп бару өчен Телеграм-каналга язылыгыз