Татарстан Президенты Рөстәм Миңнеханов «Территорияләрне үстерү фонды» гавәми-хокукый компаниясенең попечительләр советы рәисе Сергей Степашин белән очрашты. Очрашу республика җитәкчесенең Мәскәүгә сәфәре кысаларында узды.
«Территорияләрне комплекслы үстерү һәм торак-коммуналь хуҗалыкны модернизацияләү кысаларында актуаль мәсьәләләр, торак фонды белән идарә итүнең нәтиҗәле механизмнарын формалаштыру, ресурсларны саклау технологияләрен гамәлгә кертү турында фикер алыштылар», – дип хәбәр итә Татарстан Президентының матбугат хезмәте.
Очрашу вакытында Рөстәм Миңнеханов Сергей Степашинга «Дуслык» орденын тапшырды.