Миңнеханов һәм Мишустин Кыргызстан Республикасы Министрлар Кабинеты Рәисе белән очрашты
ТР Рәисе Рөстәм Миңнеханов һәм РФ Хөкүмәте башлыгы Михаил Мишустин Кыргызстан Республикасы Министрлар Кабинеты Рәисе – Кыргызстан Республикасы Президенты Администрациясе җитәкчесе Адылбәк Касымалиев белән очрашты.
ТР Рәисе матбугат хезмәте җитәкчесе Лилия Галимова хәбәр иткәнчә, очрашуда Миңнеханов республиканың Россия-Кыргызстан дустанә мөнәсәбәтләре кысаларында ил белән партнерлыкны киңәйтү мөмкинлеген югары бәяләвен билгеләп үткән.
2022 елда республика Алтай Республикасында ирбисның табигый яшәү ареалында «Кар барсы» Биологик төрлелекне саклау үзәген булдыру инициативасы белән чыкты. Кыргызстан Республикасы белән хезмәттәшлек оештырылды, аның нәтиҗәләре буенча үзәккә өч кар барсы китерелде, ирбис популяциясен торгызу буенча уртак Фәнни программа кабул ителде.
Комплекс инде эшли һәм ирбисларның санын табигый шартларда торгызу өчен төп мәйданчыкка әверелә.
Хезмәттәшлеккә килгәндә, 2024 ел нәтиҗәләре буенча республикалар арасында товар әйләнеше 138 миллион доллар тәшкил иткән.