Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов һәм Миллер Петербург халыкара газ форумында «КАМАЗ» стенды белән танышты
Татарстан Рәисе Рөстәм Миңнеханов һәм «Газпром» ГАҖ идарәсе рәисе Алексей Миллер Петербург халыкара газ форумы кысаларында оештырылган «КАМАЗ» гавәми акционерлык җәмгыятенең стендын карады. Бу хакта ТР Рәисе матбугат хезмәте хәбәр итә.
Кунакларны компаниянең яңалыклары белән «КАМАЗ» генераль директоры Сергей Когогин таныштырды.
Чаллы автогиганты тармак күргәзмәсендә газ-мотор техникасының өч яңалыгын тәкъдим итә. Аерым алганда, компания беренче тапкыр КАМАЗ-6250 вахта газ моторлы автобусы базасында эшләнгән КИПиА 62501 күчмә остаханәсен тәкъдим итә. Машина нефть-газ тармагы өчен махсус эшләнгән. Яңа модельнең төп максаты - стационар ремонт базаларыннан ерак объектларда контроль-үлчәү приборларын һәм аппаратурасын ремонтлау һәм аларга хезмәт күрсәтү.
Икенче экспонат - 41 урынга исәпләнгән шәһәр яны газ моторлы түбән идәнле НЕФАЗ-5222 автобусы. Корпоратив персоналын өйрәтүне оештыру өчен билгеләнгән. Алексей Миллер автобус салонын карап чыкты һәм яңа машинаның техник характеристикалары белән танышты. Газ двигателе (290 л.с.) Евро-5 экологик стандартына туры килә һәм метанның газ ягулыгында эшли.
Шулай ук «КАМАЗ» табигый газда эшләүче мәҗбүри кабызып җибәрүле алты цилиндрлы двигатель күрсәтте. 460 ат көчендәге әлеге газ двигательләре К5 буыны «КАМАЗ» магистраль авыр йөк тартучы машиналарга урнаштырылачак.
Кызыклы яңалыкларны күзәтеп бару өчен Телеграм-каналга язылыгыз