Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Миңнеханов Гарәп Әмирлекләрендә ачылган форумда Конго Республикасы Президентын сәламләде
Татарстан Рәисе Рөстәм Миңнеханов Абу-Дабида башланган Берләшкән Гарәп Әмирлекләре Халыкара инвестиция форумында (AIMCongress 2025) Конго Республикасы Президенты Дени Сассу-Нгессоны сәламләде. Бу хакта ТР Рәисе матбугат хезмәте җитәкчесе Лилия Галимова Telegram-каналда хәбәр итте.
Ул шул хакта видео урнаштырган һәм: «Берләшкән Гарәп Әмирлекләрендә Халыкара инвестиция форумының пленар утырышы кулуарларында Рөстәм Миңнеханов Конго Республикасы Президенты Дени Сассу-Нгессоны сәламли», - дип язган.
Конго Республикасы лидеры Казанга узган елның октябрендә уналтынчы БРИКС саммиты чараларында катнашу өчен килгән иде.
AIMCongress 2025 форумы быелның 7-9 апрелендә Абу-Дабида уза. Әлеге форум - Якын Көнчыгыштагы иң зур инвестиция платформасы. Чара «Глобаль инвестицияләрнең киләчәген билгеләү: дөньяның баланслы яңа төзелеше юлында инвестицион ландшафтны глобальләштерүнең яңа дулкыны» дигән темага үтә.
Татарстан форумда аңа 2015 елда нигез салынганнан бирле катнаша. Кичә ТР Рәисе Рөстәм Миңнеханов Абу-Дабида Берләшкән Гарәп Әмирлекләренең тышкы сәүдә буенча дәүләт министры доктор Тани бән Әхмәд Әл-Зәйуди белән очрашты.
t.me/galimovatatarstan видеосы.
Кызыклы яңалыкларны күзәтеп бару өчен Телеграм-каналга язылыгыз