Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Миңнеханов БМО Генераль сәркатибенең махсус илчесе белән очрашты
Татарстан Рәисе Рөстәм Миңнеханов БМО генераль секретареның цивилизацияләр Альянсындагы югары вәкиле, БМО генераль секретареның махсус илчесе Мигель Анхель Моратинос белән очрашу уздырды. Бу хакта ТР Рәисе матбугат хезмәте хәбәр итә.
Сөйләшүләр «Казан Экспо» мәйданчыгында «Россия – Ислам дөньясы: КазанФорум» XVII халыкара икътисади форумының пленар утырышы алдыннан узды.
Рөстәм Миңнеханов Мигель Анхель Моратиноска Казанга визиты һәм «Россия – Ислам дөньясы» стратегик караш төркеменең еллык утырышында, шулай ук форум чараларында катнашуы өчен рәхмәт белдерде.
Яклар стратегик күзаллау төркеме кысаларында хезмәттәшлекне алга таба үстерү турында фикер алыштылар. Мигель Анхель Моратинос төркемнең һәм аның җитәкчесе Рөстәм Миңнехановның эшчәнлеген югары бәяләде.
Очрашуда шулай ук Татарстан Инвестицион үсеш агентлыгы җитәкчесе Талия Миңнуллина, Татарстан Рәисе ярдәмчесе Газинур Бакиров һәм башкалар катнашты.
Мигель Анхель Моратинос – 2004-2010 елларда Испаниянең Тышкы эшләр министры урынын биләгән Испан дипломаты һәм сәясәтчесе. 2018 елдан ул БМО Генераль сәркатибе урынбасары булып тора, ә 2019 елдан – цивилизацияләр Альянсы буенча югары вәкил.
Кызыклы яңалыкларны күзәтеп бару өчен Телеграм-каналга язылыгыз