Миңнеханов: Без республикабызда барлык халыкларның традицияләрен хөрмәт итәбез
Скопировать ссылку
Татарстан Рәисе Рөстәм Миңнеханов республика халкына бүген Кукмара районында узучы «Семык» мари мәдәнияте бәйрәме турында искәртте. Республика җитәкчесе мари халкының традицияләре белән якыннан танышырга чакырды. Ул бу хакта Телеграм-каналында язды.
«Кукмара районында бүген «Семык» республика мари мәдәнияте бәйрәме уза! Без республикабызда барлык халыкларның традицияләрен хөрмәт итәбез. Бу вакыйга – Татарстаннан читкә чыкмыйча гына күршеләребезнең мәдәнияте белән танышу өчен бик яхшы мөмкинлек дип саныйм! Һава торышы яхшы, әле өлгерергә була!» - диде республика лидеры.
«Семык пайрем дене саламлем!» - дип котлады Рөстәм Миңнеханов мари телендә.