Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов: Берләшкән Гарәп Әмирлекләре - Татарстанның иң ышанычлы партнерларының берсе
Татарстан Президенты Рөстәм Миңнеханов Берләшкән Гарәп Әмирлекләренең икътисад министры урынбасары Абдулла Аль Салех белән очрашты. Ул Казанга Идел буе Болгар дәүләтендә Ислам динен кабул итүгә 1100 ел тулуга багышланган чараларда катнашу өчен килде. Бу хакта ТР Президентының матбугат хезмәте җитәкчесе Лилия Галимова сөйләде.
«Бу чарада катнашу минем өчен зур дәрәҗә. Чакыру өчен рәхмәт. Әмирлектә безнең барлык җитәкчеләребез Сезне бик ярата. Кызганычка, безнең министрлар матәм аркасында килә алмады. Алар сезгә сәлам җибәрде», - диде кунак.
Республика җитәкчесе Берләшкән Гарәп Әмирлекләре Президенты вафатына бәйле рәвештә кайгы уртаклашты, бу зур югалту, диде.
«Аллаһы Тәгалә яңа җитәкчегә Берләшкән Гарәп Әмирлекләрен киләчәктә үстерү өчен көч бирсен», - диде ул.
Рөстәм Миңнеханов сүзләренчә, Берләшкән Гарәп Әмирлекләре — Татарстанның иң ышанычлы партнерларының берсе, шулай ук ул киләчәктә дә эшлекле һәм дустанә мөнәсәбәтләр ныгыячагына ышаныч белдерде.
Кызыклы яңалыкларны күзәтеп бару өчен Телеграм-каналга язылыгыз