Миңнеханов «Алдынгылар хәрәкәте» идарәсе рәисе белән оешманың үсеше турында сөйләште
Татарстан Рәисе Рөстәм Миңнеханов Россия Герое, «Алдынгылар хәрәкәте» идарәсе рәисе Артур Орлов белән очрашты. Очрашу ТР Хөкүмәте qортында узды. Бу хакта ТР Рәисе матбугат хезмәте хәбәр итә.
«Алдынгылар хәрәкәте» 2022 елда Россия Президенты инициативасы белән булдырылды. Төп максат – балалар һәм яшьләр мәнфәгатьләрендә дәүләт сәясәтен үткәрүгә, шулай ук балаларны тәрбияләүгә, аларның ялын оештыруга, яшь буынның һәрьяклап үсеше һәм үз-үзен тормышка ашыру өчен тигез мөмкинлекләр тудыруга ярдәм итү.
Татарстанда һәр мәктәптә, яшьләр һәм яшүсмерләр үзәкләрендә 1815 башлангыч бүлек булдырылган. «Алдынгылар хәрәкәте» барлыгы 393 меңнән артык яшь татарстанлыны берләштерә.
Очрашу барышында Рөстәм Миңнеханов һәм Артур Орлов республикада «Беренчеләр хәрәкәте»нең киләчәк үсешендә хезмәттәшлек мәсьәләләре турында фикер алышты. Татарстан Рәисе ассызыклаганча, хәрәкәт яшь буынны тәрбияләүдә, аларга үз-үзләрен үстерү өчен шартлар тудыруда мөһим роль уйный.