Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнеханов Киров өлкәсе губернаторы белән хезмәттәшлек турында сөйләште
Бүген Татарстан Президенты Рөстәм Миңнеханов Киров өлкәсе губернаторы Александр Соколов белән очрашты. Алар Казан Кремлендә сөйләште. Бу хакта республика җитәкчесенең матбугат хезмәте хәбәр итә.
Рөстәм Миңнеханов искәрткәнчә, Татарстан белән Киров өлкәсен уртак икътисади, гуманитар һәм мәдәни мәнфәгатьләр бәйли. Соңгы елларда төбәкләр арасында товар әйләнеше 6 млрд сумга җитте.
Татарстан Федерациянең күрше субъектына йөк автомобильләре, шиналар, нефть продуктлары, синтетик каучук, ашлама, пыяла һәм азык-төлек продуктлары китерә. Киров өлкәсеннән республикага урман материаллары, электр кабельләре, бетон эшләнмәләр, аяк киемнәре һәм махсус киемнәр алып киләләр.
«Татарстанның дистәләгән предприятиеләре Киров өлкәсе партнерлары белән җитештерү кооперациясен һәм сәүдә элемтәләрен үстерә», - диде Татарстан Президенты.
Алар сәүдә-икътисади, шулай ук гуманитар өлкәләрдә хезмәттәшлекне алга таба үстерү перспективалары турында фикер алышты. Моннан тыш, Рөстәм Миңнеханов Александр Соколовка «ТАССР төзелүгә 100 ел» медален тапшырды.
Кызыклы яңалыкларны күзәтеп бару өчен Телеграм-каналга язылыгыз