Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов Әлмәттә «Кванториум» тәрбияләнүчеләре белән аралашты
Татарстан Президенты Рөстәм Миңнеханов Әлмәттә «Кванториум» балалар технопаркында булды, тәрбияләнүчеләр белән аралашты һәм аларга производствога экскурсияләр оештырырга вәгъдә итте. Бу хакта ТР Президентының матбугат хезмәте хәбәр итә.
Рөстәм Миңнехановка балалар технопаркының реконструкцияләнгән корпусын күрсәттеләр. Ул 6 яшьтән 18 яшькә кадәрге 1370 бала кабул итә ала. Монда 16 юнәлеш буенча дәресләр оештырылган.
Яңартылган блокта аэроквантум, Ship-квантум һәм автоквантум кебек юнәлешләр барлыкка килде. Аэроквантум җыю буенча инженерлык бурычларын проектлауны һәм хәл итүне, шулай ук пилотсыз очу аппаратларын коммерцияле куллануны күздә тота.
Ship-квантумны сайлаган балалар корабльләрне һәм судноларны проектлау, төзү, спорт-техник модельләр булдыру һәм аларның прототиплары тарихын өйрәнү белән шөгыльләнә.
Үз чиратында автоквантум пилотсыз транспорт чарасының тулысынча гамәлдәге прототибын проектлауны, төзүне һәм сынауны күздә тота.
Татарстан Президенты балалар белән аралашканда аларга судно төзү производствосына һәм «КАМАЗ»га экскурсия оештырырга вәгъдә итте.
Кызыклы яңалыкларны күзәтеп бару өчен Телеграм-каналга язылыгыз