Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов алдынгы инженер мәктәпләре турында: Ил бездән реаль гамәли нәтиҗәләр көтә
Татарстан югары уку йортлары базасында алдынгы инженер мәктәпләре ачу куелган максатларга ирешү өчен зур эш таләп итә. Бүген бу хакта Татарстан Республикасы Президенты Рөстәм Миңнеханов ТР Хөкүмәте Йортында узган республика киңәшмәсендә хәбәр итте.
Элегрәк «Алдынгы инженер мәктәпләре» федераль проекты конкурсына йомгак ясалды. Анда бөтен ил буенча 91 югары уку йорты катнашты, шуларның 30ы җиңүче булды. Алар арасында Татарстаннан өч университеты да бар.
«Без Россия Хөкүмәтенә, министрга, комиссияләргә бик рәхмәтле. Бездә Иннополис университеты, КФУ һәм КНИТУ узды. Зур эш башкарылды. Әмма бу әле беренче адым гына. Ил бездән реаль практик нәтиҗәләр көтә. Бу – тагын да катлаулырак бурыч», - диде Президент.
Ул әлеге эш кысаларында кыска гына вакыт эчендә партнер-предприятиеләр белән берлектә кирәкле белем бирү программаларын әзерләү, сыйфатлы укытучылар һәм студентлар составы формалаштыру, шулай ук агымдагы елның 1 сентябреннән уку-укыту программаларының стартын тәэмин итү мөһимлегенә игътибарны юнәлтте.
Кызыклы яңалыкларны күзәтеп бару өчен Телеграм-каналга язылыгыз