news_header_top
16+
news_header_bot
news_top

Министрлыкта Алабугада БПЛА һөҗүменнән зыян күрүчеләрнең хәле турында сөйләделәр

Алабугага дошман пилотсыз очкычлары һөҗүме сәбәпле, зыян күрүчеләрнең үзләрен ничек хис итүләре билгеле булды. Бу хакта «Татар-информ»га Татарстан Сәламәтлек саклау министрлыгында сөйләделәр.

7 кеше төрле дәрәҗәдәге җәрәхәтләр белән Чаллы Ашыгыч медицина ярдәме хастаханәсенә китерелде. Ике кеше Алабуга Үзәк район хастаханәсенә озатылган.

«Калган зыян күрүчеләр белгечләр тарафыннан каралды һәм амбулатор күзәтүгә җибәрелде», – дип сөйләделәр Татарстан Сәламәтлек саклау министрлыгы матбугат хезмәтендә.

Элегрәк Татарстан Рәисе Рөстәм Миңнеханов Телеграм-каналында хәбәр иткәнчә, Алабуга автозаводына БПЛА һөҗүме сәбәпле, бер кеше һәлак булган, 13 кеше зыян күргән. Булган хәлдән соң җинаять эше кузгатылды.

news_right_1
news_right_2
news_bot