Җәмгыять 13 октябрь 2017 09:56

Министрлар Кабинеты Татарстан халыклары телләрен саклауга бирелгән грант санын арттырган

Грантлар бирүдәге төзәтмәләрне республика Премьер-министры Алексей Песошин имзалаган.

Скопировать ссылку

(Казан, 13 октябрь, «Татар-информ»). Республиканың Министрлар Кабинеты тарафыннан Татарстанда яшәүче халыкларның телләрен саклау һәм үстерү буенча иҗтимагый оешмаларга ярдәм күрсәтү уңаеннан грантлар бирүдә үзгәрешләр кертелгән. Документны республика Премьер-министры Алексей Песошин имзалаган һәм ул Татарстанның хокукый мәгълүмат порталында урнаштырылган.

Искәртеп узыйк, 2015 елда имзаланган карар буенча, «2014-2020 елларда Татарстан Республикасының дәүләт телләрен һәм башка телләрне саклау, өйрәнү һәм үстерү» дәүләт программасы кысаларында республика һәр оешмага 250 мең сум күләмендә ике грант тапшырган. Грант ияләрен конкурс комиссиясе билгеләгән.

10 октябрьдә Татарстанның Премьер-министры имзалаган яңа төзәтмәләрдә грантның күләме 1 миллион сумга кадәр җиткән, шулай ук грантлар саны бишкә кадәр арткан, ягъни һәрбер оешмага 200 мең сум биреләчәк.

#Песошин #Премьер-министр

Сәхифәләр

Министрлар Кабинеты Татарстан халыклары телләрен саклауга бирелгән грант санын арттырган