Җәмгыять 27 июнь 2024 15:55

Министрлар Кабинеты авыр диагнозлы балаларны дәвалауга тагын 24,5 миллиард сум бүлеп бирә

Скопировать ссылку

Авыр һәм сирәк авырулы балаларны дәвалау өчен тагын 24,5 миллиард сумнан артык акча бүлеп биреләчәк. Бу хакта Хөкүмәтнең телеграм-каналында хәбәр ителә.

«Федераль финанслау сирәк һәм авыр диагнозлы балаларны күбрәк дәвалау мөмкинлеге бирәчәк», – дип билгеләп үтте Министрлар Кабинеты утырышында Премьер-министр Михаил Мишустин.

Ул ассызыклаганча, «Игелек түгәрәге» дәүләт фонды аша сатып алына торган дарулар исемлеге эзлекле рәвештә киңәйтелә, яңа катлаулы һәм уникаль методикалар кулланыла, бу өстәмә ресурслар таләп итә.

Президент Владимир Путин карары буенча оештырылган фонд 2023 елда 2,5 меңгә якын баланы кыйммәтле дарулар белән тәэмин итте, тагын 300гә якын бала кирәкле медицина эшләнмәләре һәм реабилитация өчен техник чаралар алды.

Сәхифәләр

Министрлар Кабинеты авыр диагнозлы балаларны дәвалауга тагын 24,5 миллиард сум бүлеп бирә