Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Министрлар Кабинеты 2030 елга кадәр «Барлык кеше өчен йөзү» программасын раслады
Россия Хөкүмәте «Барлык кеше өчен йөзү» программасын раслады, ул 2030 елга кадәр гамәлгә ашырылачак. РФ Премьер-министры Михаил Мишустин шул хактагы боерыкны имзалаган. Бу хакта ТАСС агентлыгы Министрлар Кабинеты сайтына сылтама белән хәбәр итә.
«Балаларны йөзәргә өйрәтү, шулай ук балалар бакчалары, мәктәпләр, балалар ял итә торган урыннарда моның өчен шартлар һәм тиешле инфраструктура булдыру – 2030 елга кадәр гамәлгә ашырылачак «Барлык кеше өчен йөзү» программасының төп бурычлары шуннан гыйбарәт», - диелә хәбәрдә.
Министрлар Кабинетында билгеләп үтүләренчә, Россиядә бүгенге көнгә кадәр моңа охшаш ведомство һәм төбәк программалары гамәлгә ашырылып килде, хәзер исә бу эш бөтен илне колачлаячак. Бассейннары булган мәктәпләрдә әлеге программа икенче сыйныфтан ук «Йөзү» укыту модулен кертүне күздә тота. Шул рәвешле, 2030 елга мондый мәктәпләрдә йөзә белүче балаларның өлеше 80 процентка җитәргә тиеш. Программа нигезендә, якындагы алты елда 12,5 миллион бала, шул исәптән мөмкинлекләре чикле һәм инвалидлыгы булган 124 мең бала йөзәргә өйрәнәчәк.
Кызыклы яңалыкларны күзәтеп бару өчен Телеграм-каналга язылыгыз