Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Эльмира Зарипова МХО хәрбиләренә дәваланганнан соң эшкә урнашу турында сөйләде
Бүген ТР хезмәт, халыкны эш белән тәэмин итү һәм социаль яклау министры Эльмира Зарипова 16нчы шәһәр клиник хастаханәсендә дәваланучы махсус операция хәрбиләре белән очрашты. Министр хәрбиләргә ярдәм чаралары һәм эшкә урнашу мөмкинлекләре турында сөйләде, шулай ук аларның сорауларына җавап бирде.
Ул махсус хәрби операциядә катнашучыларга ярдәм системалы рәвештә күрсәтелүен билгеләп үтте. Аның сүзләренчә, күбесенчә һөнәри белем булмаган килеш ничек эш табарга дип сорыйлар.
«Бездә, «Кадрлар» илкүләм проекты кысаларында, махсус хәрби операциядә катнашучыларга да, аларның гаилә әгъзаларына да бушлай белем бирергә мөмкин. Федераль квота буенча бездә 7600 урын бирелгән. Белем алу өчен мәшгульлек үзәгендә эшсез статусында исәпкә басарга, аннары «Россия эше» сайтында үзең теләгән программаны сайларга кирәк. Бүген 93 төрле программа арасыннан берсен сайлап алырга мөмкин. Укулар 72 сәгатькә, 3-6 айга кадәр дәвам итә», – дип сөйләде Зарипова.
Хәрбиләргә шулай ук үз эшләрен ачуда да ярдәм итәләр. Бу максатка мәшгульлек үзәге ветераннарга - 145 мең, ә социаль контракт 350 мең сум бирә. Быелдан соцконтракт хәрбиләргә керемнәрне һәм күчемсез милекне исәпкә алмыйча бирелә, ә I төркем инвалидлык булганда ул контрактны гамәлгә ашыру хокукын хатынына тапшыра ала.
Сүзен йомгаклап, Зарипова социаль тернәкләндерү мәсьәләләренә кагылды һәм бүгенге көндә республикада 5 үзәк эшләвен әйтте.
Кызыклы яңалыкларны күзәтеп бару өчен Телеграм-каналга язылыгыз