Фән һәм мәгариф 3 февраль 2017 09:45

Министр Ольга Васильева КФУга Әлмәт дәүләт нефть институтын тапшыру фикерен хуплаган

Шулай ук Казан университетына “Эйдос” һәм Химик технологияләр өлкәсендә региональ инжиниринг үзәген тапшыру механизмы эшләнә.

Скопировать ссылку

(Казан, 3 февраль, “Татар-информ”). Россия Федерациясе Мәгариф һәм фән министры Ольга Васильева Татарстан делегациясе белән очрашуы вакытында Казан (Идел буе) федераль университетына Әлмәт дәүләт нефть инститтутын тапшыру фикерен хуплаган. Бу хакта КФУ ректоры Илшат Гафуров хәбәр итә, дип белдерә югары уку йортының матбугат хезмәте.

Хәбәрдә 31 гыйнвар көнне узган Россия Федерациясе Мәгариф һәм фән министры белән очрашуда Татарстан Республикасы Президенты Рөстәм Миңнеханов, КФУ ректоры Илшат Гафуров һәм Татарстан Республикасы Мәгариф һәм фән министры Энгель Фаттахов катнашкан дип белдерелә.

Очрашуда Ольга Васильева Татарстан Президентының Казан федераль университетына Әлмәт дәүләт нефть институтын тапшыру тәкъдимен хуплаган. Бу күчешкә бәйле барлык сораулар КФУ һәм Әлмәт дәүләт нефть институтының галимнәр советы һәм “Татнефть” акционерлык җәмгыятенең директорлар советында тавыш бирү проедурасы үткән. Шуңа бәйле республика Хөкүмәте, Россия Федерациясе Мәгариф һәм фән министрлыгы, Татарстан Республикасы Мәгариф һәм фән министрлыгы, Казан университеты вәкилләреннән торган эшче комиссия төзү әһәмияте искә алынган.

Очрашу ахырында Татарстан делегациясе вәкилләре Ольга Васильеваны республика hәм Казан университеты белән танышырга чакырганнар. Министр чакыруны кабул иткән.

#КФУ #Мәгариф министры #Ольга Васильева

Сәхифәләр

Министр Ольга Васильева КФУга Әлмәт дәүләт нефть институтын тапшыру фикерен хуплаган